Ealáhusat ja luondduávkkástallan
Guolásteapmi, bivdu ja eanandoallu leat áiggiid čađa leamašan dehálaš ealáhusat Davvi-Romssa álbmogii. Guolástanboanda lei iešbirgejeaddji dainna maid luondu juolludii meara, eatnama ja meahci bakte. Reguleremat ja earit guolásteamis leat dagahan váttisin riddoálbmogii joatkit árbevirolaš lotnolasealáhusaiguin.
Dálá áiggi lotnolasealáhusat leat ges dávjá ovttasteamit gaskal juogo eanandoalu dahje guolásteami ja ráhkadus-, bálvalus- dahje eará bargguid mat lagasbirrasis leat.
