Giella, namat, sánit ja hoahkamat
Máŋggaid jagiid bistán garra dáruiduhttin ja nubbi máilmmisoahti mielddisbukte giellamolsuma sámegielas dárogillii ollusiidda Davvi-Tromssas. Sámegiella šattai ”gievkkangiellan”, eaige mánát ožžon oahpu gielas.
Sámelága giellanjuolggadusaid atnui váldin Gáivuonas (1992) bajidii beroštumi oahppat sámegiela, ja nu dáhpáhuvai maiddái eará gielddain.
Sámi, kvena ja dáža kultuvra váikkuhii guovllu olbmuid hállanvuohkái, ja dasa lassin gielas dovdosta boaresdáro-, ruoŧa- ja eŋgelasgiela smáhkka.
