Lestadianisma oskkus ja servodagas
Lestadianisma lea dat kristtalaš moriidahttinlihkadus mii lea eanemusat váikkuhan guovllu olbmuide.
Fra læstadiansk samling i bedehus.
Dát moriidahttinlihkadus joavddai Norgii 1840-logus boazosápmelaččaid mielde, geain ledje geasseorohagat mearagáttis, ja go kvenat boahtigohte Norgii. Okta sivvva dasa lei dat, go lestadianismma vuođđudeaddji, ruoŧŧilaš-sámi báhppa Lars Levi Læstadius, dulkogođii biibbala sániid njuolga sámiid ipmárdussii luonddus ja eallimis. Nu son lihkostuvai čatnat olbmuid eallima ja árbevieruid oktii kristtalaš oskkuin.
Erik Johnsen
Erik Johnsen
Stuorra čoakkalmasat dollojuvvojedje Ivgobađamárkaniid oktavuođas ja unnibuš čoakkalmasat olbmuid siiddain. Gáivuotnalaš sárdideaddji Erik Johnsen šattai sullii jagi 1900 lestadianismma dehálaš ovddasteaddjin. Johnsena láidestemiin lestadialaš lihkadus šattai lagat gaskavuhtii Norgga girkuin. Lestadianisma lea dat oskkusuorgi mas lea leamaš eanemus váikkuhus olbmuide ja kultuvrii viidát guovllus.
