Kulturmuittut ja kristtalašvuođa ovdalaš oskkoldat

 

Das deaivvadedje boazosápmelaččat, Duortnosleagi gávpeolbmát, dáža gávpeolbmát ja dážat, sámit ja kvenat guđet orro márkana lagašguovlluin. Ivgobađamárkana ruohttasat ollet várra gitta ruovttoluotta gitta gaskaáigái.

Ivgubađa márkana boares sajis mii lea Nálluvuohppi, leat eanadagas ain oidnosis goahtesajit. Darfegoađit leat ráhkadusat main lea muorrariggi man birra leat biddjojuvvon beassit ja darffit fas lovdojuvvon daid vuostá. Boares duktasajiid lea vejolaš oaidnit čopman eanadagas mii muđuid lea duolbbas.

Biertavári sámi gili fiervvás, mii lea Gáivuonbađas, leat fiervábuvrrit ja návsttit mat huksejuvvojedje 1800- ja árra 1900-logus. Fiervánávsttit leat ráhkaduvvon cehkkojuvvon leibbiin, ja dain lea darfedáhkit. Návsttiin rájadedje bivdosiid, ja návsttin sii dávjá vulge bivdit Gáivuona ja Ivguvuona miehtá jagi.

Kristtalašvuođa ovdalaš oskkoldat

Bierdna lei erenoamáš kristtalašvuođa ovdalaš sámi oskkoldagas. Máŋga čilgehusa leat biertnabivddu meanuid birra, ja álo dain muitaluvvo ahte go bierdna lei borrojuvvon, de galge dan dávttit čohkkejuvvot ja hávdáduvvot. Sáhkanat muitalit maŋimuš báhkina birra, gii lei Buŋke, ja son hávdádii biertnaid Buŋkesullui mii lea Ivguvuonas. Buŋkesullos leat biertnahávddiid bázahasat, ja daid jáhkket leat goas nu jagi 650 rájis jagi 780 rádjai m.Kr.

 

Sieiddit lea dávjá mihtilmas luondduhámit. Dat leat eanadagas jávrriid lahka, sulluin, njárggain ja váriin, dahje dehálaš fuođđobivdin- ja guollebivdinguovlluin. Daid báikkiid jáhkke leat bassi báikkit. Muitalusain leat olbmot guđet ohcet veahki iežaset beaivválaš eallimii, rohkadaladettiineaset luonddu dahje oaffarušadettiineaset lundui.

Markedshistorie, Nord-Troms museum

Samtale om Skibotnmarkedet, Nord-Troms museum

Her bor mitt folk – En bildefortelling fra gamle Lyngen, Nasjonalbiblioteket