Láibunneavva 12 láibbi láibumii
— Go mun ožžon iežan dállodoalu, maŋŋil go ledjen ožžon iežan mánáid, dalle olmmoš láibbui dávjá ja ollu. Go ledje ollu mánát, de gal fertejedje ollu láibbiid láibut, muitala Oliva Helene Nilsen.
Oliva. Foto: Reni Jasinski Wright.
12 láibbi
2 kg gordnejáffut
1 kg roavveláibejáffut rohkalágan nisujáffut seaguhus
3-4 kg nisujáffuid (nisujáffut gal várra goit ledje badjel golbma gilu)
3 lihtar golggus (čáhci, biergoliepma, rušpečáhci)
Sálti, sierát ja olju
2 pk goikejeasta
Mun anán guokte páhka goikejeastta 12 láibái. Go ii leat eanet jeasta, de divttán dáikki geavvat beannot diimmu ovdal go álggán soatkat dáiggi. Dasto divttán láibbiid fas geavvat ovtta diimmu ovdal go daid bijan ommanii. Mun goikadan láibbiid bures ovtta diimmu vai goiket albma ládje.
Jus mus lea biergoliepma, de dan seaguhan dáigái. Dál mun čuojahan Ragnarii, danin go sis lei biergu ja liepma ikte. Mu dadjen sidjiide ahte eai galgan njoarret eret liema, jus fal bázii veaháš. Mun bijan biergoliema plástasehkkii, ja galmmihan dan. Beannot lihtar guđege sehkkii, nie sullii. Go lea láibumin, de vieččan seahka ja seaguhan liema čáhcái. 12 láibái dárbbašuvvo bures golbma lihtar golggos. Jus mus ii leat biergoliepma, de seaguhan veaháš sáltti čáhcái. Mun lávden maiddái seaguhit veaháš čuvges sieráha, ja veaháš rápsaoljju. Jus aitto leat vuoššan rušppiid, de bijan čázi mas rušppiid lean vuoššan dáigái. Jus vel báhcá rušpečázis, de dan láven ieš juhkat. Buot maid sáhttá mii ávkkástallat.
Dábálaččat mun lihkan iđđes sullii njealje-viđa áiggi go mus leat ollu láibbit maid galggan láibut. Dasto gearggan árabut beaivet. Muhto ii gal álohii. Duollet dalle
Oliva Nilsen. Foto: Reni Jasinski Wright.
Eadni lávii láibut vaikko man ollu láibbiid. Mis lei stuorra geađgeomman man čeahci/eahki/eanu lei dahkan. Vuorasgoaski Ida lávii muitalit ahte go dievdu vulggii Lofuhtii dálvet, de bohte olbmot dáigegáriiguin su lusa, ja son goikadii njealljelot láibbi ain hávil dan stuorra ommanis. Go sii galge Lofuhtii vuolgit, de sii šadde váldit mielde buot biepmu mii lei gávdnamis. Beassegáhkuid sii maiddái goikadedje. Beassegáhkuid sii gohčodedje “Lofotlefse”. Sis ledje stuorra bumbbát main dievva ledje čohkken borramušgálvvuid ja veaháš liige biktasiid. Giđđat sii vulge Finnmárkui guolásteapmái, ja dalle lei seamma hommá dievdduide hoidet borramušgálvvuid ja biktasiid mielde. Dievddut, sii han ledje measta čađat eret ruovttuin go ledje eará báikkiin bargguin.
Teavstta leat viežžan girjjis «Syv sorter – Historier fra kjøkkenbenken», man Davviálbmogiid guovddáš lea buvttadan ovttas Reni Jasinski Wright.
Se filmen med Oliva Helene Nilsen som syr komager
En film av Reni Jasinski Wright og Irene Lum Asanji
Aktuelle lenker
Intervju med samekone fra Manndalen 1975, Nasjonalbiblioteket
