Magna Helene Andersen leter oppskrift på kjeks. Foto: Reni Jasinski Wright
Gáhkku
— Dás čuožžu “gáhkku”. Muhto dat gal lea keaksa. Mun in diehtán maid dan galgen gohčodit dalle go čállen dán ráhkadanneavvaga, ja gohčodin dalle “gáhkkun”. Oahpásmuva Magna Helene Anderseniin guhte goikada keavssaid.
Dál áiggun geahččat gávnnan go dán keaksa ráhkanneavvaga. Dalle go mun čállen ráhkadanneavvaga , de mis eai lean vuoncát, ja danin mis eai lean monit keaksadáiggis. Monit eai lean gávdnamis. Dalle orui muhtun nissonolmmoš Sámmolváris, geas ledje vuoncát, muhto monit ledje dušše iežas adnui.
Gáhkku
(4 moni)
1 márkka margariinna (fuom: dološ mihtádus mii mearkkaša sullii 0,2187 grámma)
4 bb sieraha
2 gohpu mielkki
3 dahje 4 gohpu sohkkara
2 db čoarvesálttit
Jáffut dan mađe ahte dáigi suohku veaháš, muhto várut ahte dáigi ii suohko beare haga.Don sáhtát adnit vaikko makkár hámi ieš dál de háliidat keavssaide. Keavssaid goikadat ommanis dassážii go veaháš leat ruškkodan. Don oainnát dál.
Dolin mus lei stuorra láibungárri masa bidjen dáiggi. Dan dahken danin go dáppe láveje ollu olbmot finadit. Muhto maŋŋil go TV bođii, de olbmuin ii leat šat dilli finadit guossis. Sii baicca čohkkádit ruovttus ja čuvvot mii TV:s čájehuvvo. Ovdal mis ii lean rádio iige TV. Olbmot bohte sisa ja čohkkájedje gievkkaniin. Jus eai leat doarvái stuolut, de sii čohkkájedje gievkkanláhttái. Ja humadeapmi, dat gal lei ealas ja dávjá olbmuin ledje balddonasmuitalusat. Dalle lei mohto leaskaáddjá, ja sus ledje hui ollu balddonasmuitalusat. Sus lei guovdu gievkkanláhttis luŋká. Njealječiegat luŋká. Luŋká sáhtii rahpat ja gealláris viežžat buđeittaid. Sevdnjes čakčaeahkediid lávejedje ollu nuorat čoahkkanit su viissui. Dán vuoras ádjás ii lean go okta čalbmi. Nuppi čalmmi dáiddii barggus roasmmohuhtán. Dan áigge ii lean nu álki dušše viehkalit doaktára lusa. Nu son oinnii dušše nuppi čalmmiin, muhto son oinnii seamma bures ovttain čalmmiin go earát goappaš čalmmiiguin. Son measta bisánkeahttá muitalii ollu muitalusaid. Su muitalusat balddihedje nuoraid ja ledje nu árggit ahte sirde eret seainne lahka ja guovdu gievkkanláhtti geallirluŋká lahka. Sii eai duostan čohkkát gievkkančiegain. Eai. Sii máŋggaid diimmuid gulaledje ádjá muitalusaid. Maŋŋil go muitalusaid ledje gullán de ledje nu árggit ahte eai duostan akto vuolgit ruoktot. Lei duođaid suohtas go sáhtiimet guđet guoibmámet guossis finadit.
Buriid olbmuid vehkiin mun cevzen ovddasguvlui. Ovdal ledje buori ránnjážagat. “Buori ránnját leat dego beaivválaš borramuš.”
Gáhkkenneavvaga leat viežžan girjjis “Čieža šlája- muitalusat muitaluvvon barggadettiin gievkkanis”, man Davviálbmogiid guovddáš lea buvttadan Reni Jasinski Wright ovttasbargama bakte.
