Geir tore Holm
Dálááiggedáiddár, Geir Tore Holm, deattuha ahte su sámi ja davvinorgalaš duogáš lea oidnosis sihke dáidagis ja árgabeaivvis.
Parabol, objekt, 1996
Mun rahkistan – In mun ge/ Je t'aime… moi non plus, videostill, 2005
La Fontaine, installasjon, 1994
Retten til landet og til vannet, videostill, 2012
Fughetta, skulptur, 2014
Geir Tore Holm (r. 1966) lea bajásšaddan Olmmáivákkis Gáivuonas, muhto orru ja bargá dál Ringstad dálus Skiptvedt báikkis .
Holm dáiddalaš duogáš lea viiddis ja girjái. Barggadettiin son atná video, govaid, čájálmasain ja installašuvnnaiguin. Maŋŋil go son gearggai dáiddaakademiijas Troandimis jagi 1995:s, de lea son gaskkustan, čállán ja oahpahan dálááiggi dáidaga.
Dáidu mii vuolgá davvin
Holm lea maiddái oahppan gilvvagárdečeahppi, ja deattuha ovttasdoaibmama gaskal olbmuid ja birrasa, ja gaskal eanandoalu ja eallima. Su bajásšaddan ja duogáš Gáivuonas lea guovddážis su prošeavttain. Davvil lea son váldán mielde dáiddu luonddu ja kultuvrraid birra maid deaivvadit ja rivdet, ja fievrridan dán daid lulli guovlluide gos son dál orru ja bargá.
Jagi 1993:s son álggahii Balkong ovttas iežas doaibmaoasálaččain Søssa Jørgensenin. Seammás go viessu adno čájáhusvistin, de jearrat mii dáidda sáhttá lea, ja makkár oktavuođaid dat sáhttá lea oassin. Dáidda geavatlaš gulahallanreaidun lea das rájes leamašan guovddážis sudno bargguin.
Govvateaksta: Geir Tore Holm bargamin Skiptvedt dálus. Govvideaddji: Søssa Jørgensen.
The nord land
Ruovttuvuođustuvvon vásáhusat leat vuolggahan viiddis beroštumi. Jagi 2003:s son, ovttas doaibmaoasálačča Søssa Jørgensenin bargagođiiba “Sørfinnset skole/ the nord land Oarjelii-Báidáris i Nordlánddas. Dát agibeaivásaš prošeakta lea luondduávkkástallama, ekologiija, máhtolašvuođalonohallama ja huksendoaimmaid birra. Son lea mielde Ensayosis, mii lea kollektiiva dutkanprošeakta mas leat váldán vuođu Karukinka luonddumeahcis mii lea Tierra del Fuegos, Chile.
Savio-bálkkašupmi
Geir Tore Holm lea searvan máŋggaid sierra- ja joavkočájáhusaide nationálalaččat ja riikkaidgaskasaččat dásis. Jagi 2007:s lei son prošeaktajođiheaddji dáiddaakademiija ásaheami prošeavttas Romssas. Son lea maiddái ožžon moanaid stipeanddaid ja bálkkašumiid barggustis ovddas, ja son lea maiddái ožžon Stáhta dáhkidandietnasa mii juhkkojuvvo dáiddáriidda. Jagi 2015:s son oaččui Savio-bálkkašumi go dat vuosttaš geardde juhkkojuvvui. Árvvoštallanjoavkku Jury vuođustusas namuhuvvo earenoamážiid movt Holm lea áŋgiruššan vai dihtomielalašvuođa sámi ja Davvi-Norgga dáidagii buorránii, ja deattuhuvvo vuođuštusas man dehálaš su bargu lea leamašan, ja lea ain, inspirašuvdnan ođđa sámi dáiddár buolvvaide.
