Alf Magne Salo
Govvadáiddár Alf Magne Salo (1959-2013) riegádii ja bajásšattai Gáivuonas. Su abstrákta málagovat ovdanbuktet ja govvidit davvi eanadga čuovgga, hámi, nana ivnniid ja vuostálasvuođaid.
Soltegn, Alf Magne Salo
Salo jođihanfápmu lei estehtalaš bealli, ja su višuvdna lei perfeakta dáiddalaš ovdanbuktin. Su ovddit málagovat govvidit skábmaáiggi davvin sevdnjes šuoŋaid ja ivnniid bakte, ja su ođđaseamos govain, main leat čielga ja bures oinnolaš fiskes ivnnit, ges bidjet čuvges jahkodaga ja gaskaijabeaivváža guovddážii.
Impresjonisma, modernisma ja kubisma leat dáiddasuorggit mat movttiidahtte Salo. Su maiddái movttiidahtte orgánalaš hámit maid gávdnat duojis, ja sámevuohta lea, nu movt Salo ieš lea dadjan, nu movt oaidnit su govain estetihkas. Čuovga, vuostálasvuođat, ivnnit, hápmi ja fápmu mat leat su málagovain, fállet árjjalaš vásáhusa sihke luonddus ja olbmo eallimis.
Salo logai Fyn Dáiddaakademiijas Odense gávpogis Danmárkkus gaskal 1979 ja 1983. Su dáidagat leat mielde máŋggaid čájáhusain main leat sámi fáttát:
- Mu geaidnu – min vei (2006)
- Gaskaijábeaivváža suoivvanis (In the shadow of the Midnight Sun) (2007-2008)
- Gierdu: Lihkadusat sámi dáiddamá ilmmis (bevegelser i samisk kunstverden) (2009-2010)
- Being apart (2009-2010)
Salos lei sierráčájáhus Sámi Dáiddaguovdáažis jagi 2007:s, ja son lea leamašan mielde máŋggaid almmolaš čájáhusain min riikkaoasis, earret eará Davvinorgga dáiddamuseas, Romssa fylkkasuohkanis, Davvinorgga Seastinbáŋku 1 dáiddavuođđudusas ja RidduDuottar Museas – Sámiid Dávvirvuorkkás.
Viidáset lea son čiŋahan máŋggaid almmolaš visttiid nugo Nordlándda buohcceviesu Bådådjos, Romssa Diggevistti ja Davviálbmogiid guovddáža Olmmáivákkis. Son dat jagi 1999 hápmii Riddu Riđu festiválaplakáhta, ja son lea maiddái sárgon Riddu Riđu festivála lávddi.
Jagi 2014:s Gáivuotna gudnejahtii dáiddára muitočájáhusain Davviálbmogiid guovddážis.
Mer om Alf Magne Salo:
Minnesutstilling for Alf Magne Salo, Senter for nordlige folk 2014
Minneustilling for Alf Magne Salo, NRK Sápmi
