Ođđabeaigállát i Olmmáivákkis

Ođđabeaigállát Olmmáivákkis lea árbevierru mii daddjo leat gávdnon Olmmáivákkis nu guhka go olbmot muitet. Dát lea áibbas earenoamáš Olmmáivákkis, ja adnojuvvo leat giláža kulturcaggiin.

Juohke ođđabeairuohta eahkeda čoahkkanit gili nuorat ja rávisolbmot. Sis lea issoras ja balddonaslágan muohtogovččas ámadajus. Hámat lea dahkkon náhkis, masa leat giddejuvvon livskkut, dávttit, debbot ja stárat, ja muđui maid dál gávnnai. Dasto olles olmmošjoavku vulge váccii gillái, gos ridje, spivkkestedje nu ahte earát vásihedje veaháš balu. Sin vázzin loahpahuvvo dánsumin ja riejain dola birra.

Hámaid duddjon lea oallugiidda dehálaš buđaldus juovlabasiid gaskkas, ja hutkáivuohta lea stuoris. Gávccilot ja ovccilot logus maiddái válljejedje ”čábbámus” ođđabeairuohta háma.

Ii oktage dieđe gos dát árbevierru lea vuolgán. Sullasaš árbevierut gávdnojit eará guovlluin máilmmis . Ungáras adnojuvvo dat ng. ”busjoaras” eanemus čalbmáičuohcci dáhpáhussan álbmotfestiválain. Mohács gávpogis deaivvadit nuorra dievddut imašlaš ja rámálmas hámaiguin ámadajuin jahkásaš meanuide. Sii čađahit allajienat neavttašemiid gáhtaid mielde, ja fallehit nissonolbmuid suohkuiguin maidda leat deavdán jáfuid.

Sullasašvuođat juovlastállui

Muitalusaid mielde dán árbevierus álgoálggus ledje ollu sullasašvuođat juovlastáluin ja juovlastálu árbevieruin, ja ahte ledje nuorra bártnit ja dievddut geat serve ráidui. Ráidu sáhtii leat gitta miilabeali guhkki, ja gitta 1980 rádjai lei dábálaš dolastit várrevilttiin. Dalle lei alkohola návddašeapmi dábálaš nu movt dál ge, ja dáhpáhus ja ráidu sáhtii leat earenoamáš balddihahttin nissonolbmuide ja mánáide.

Ođđabeairuohta árra eahkeda lágiduvvo láivvibut juovlastálloráidu mánáid várás. Dát árbevierru ii leat go badjelaš 20 jagi lágiduvvon. Maŋŋil ráidovázzima de ožžot mánát njálgáid ja buorrevuođa.

Kilde: Ođđabeaigállát, Daban ja juovlastállu, Juovlaárbevierut, Marit Anne Hauan, Gihpa: En vild endevending av al virkelighet

Radio

Nissetoget i Manndalen, NRK, Nasjonalbiblioteket

Avisartikler

Tar på seg frykinngytende masker og kjeppjager naboen, Nordlys

Klart for skrekk og gru, Framtid i nord