Næringskombinasjoner
Davvi-Romssa guovllus leat árbevirolaččat leamaš máŋggalágan ealáhusdoaimmat. Olbmuid dállodoalu ekonomalaš vuođđu lei guollebivdu ja eatnandoallu, ja odne lea eanadagas vejolaš oaidnit árbevirolaš ealáhusdoaimmaid luottaid.
Fisker og måser. Foto©Jan R Olsen
Olbmuid bargojuogut eláhusdoaimmaineaset čájehit sohkabeliide juogaduvvon bargguid guovllus. Olbmát vulge áigodagaid mielde guollebivdui ja nissonolbmot ja mánát barge dállodoalus. Duojit maid nissonolbmot álo dahke, bukte sin dállodollui lasi dietnasa. Dujiid dolvo lotnolasgávpái, dahje juogo vuvde daid báikkálaš márkanis dahje diŋgojeddjiide.
Seagáš ealáhusaide, nugo dat leat odne, gullet dávjá juogo eatnandoallu dahje guollebivdu ja rusttetbarggut ja bálvalusdoaimmat dahje eará fitnut das lagašguovllus. Odne leat báikkálaš erenoamáš buvttadeaddjit guolástusas, eatnandoalus ja duojis, guđet vuovdalit guovllu sierranasvuođaid eambbo go ovdal. Dasto oidno ahte eambbo čalmmustahttet mátkeealáhusaid báikkálaš kultuvrra ja luonddu vuođul. Dakkár ođđa seagáš ealáhusaidge lea vejolaš atnit olbmuid heivehallamin ja dáidun maid geažil sáhttet ain orrut guovllus.
