Eventyrtegneren Theodor Kittelsens Sjøtrollet fra 1887 viser en skapning som har flere fellestrekk med det druknede gjenferdet draugen.
Draug - Čáhcerávga
Čáhcerávga lea bahás jámeš dahje vuoigŋa mii lea báhcán go soames olmmoš lea heavvanan meara nalde. Jus oainnát dahje gulat čáhcerávgga, de dat muitala ahte juoganu ilgadis dáhpáhus lea dáhpáhuvvamin.
Davvi-Norgga rittus leat máŋga cukcasa rávgga birra. Álgoálggus lei Čáhcerávga jápmán olbmo vuoigŋa mii ohcalii ealli olbmuid sihke gáttis ja meara nalde, muhto álbmotmuitalusain lei čáhcerávga guolásteaddji gii meara nalde lei heavvanan, iige hávdáduvvon vihahuvvon girkogárdái.
Dieđiha dálkki ja jápmima
Don sáhtát juogo gullat dahje oaidnit čáhcerávgga, ja goappáš oktavuođain dat mearkkaša lihkohisvuođa ja jápmima. Čáhcerávga lea bahá ja várálaš, ja sáhttá sihke dieđihit ja dagahit guolásteaddji jápmima. Čáhcerávgga dieđiha maiddái riđu ja neavrresdálkki, mii dávjá deaivá nuppi beaivve. Várrehusaid oažžut go gullát čáhcerávgga bárgumin. Lihkohisvuođa viidodat vuolgá das man gallii ja man allat čáhcerávgga bárgu romit.
Čáhcerávggas lea olbmohápmi, dego mearraguolásteaddji, gummestevvelat ja sisttehat dahje náhkkebuvssat badjelis, ja das sáhttá leat debbospábba oaivin. Muhtun eará cukcasiin čáhcerávga sáhttá leat eará hámis, ja sáhttá leat juogo dávvir dahje sivdnádus mii gullá merrii.
Fatnasis dahje nannámis
Čáhcerávga dávjá suhkká, áinnas lahkkefatnasiin. Jus gullá čáhcerávgga fiervvás de sáhttá mearkkašit ahte heavvanan olbmo dáktebázahusat, bivttasbázahusat dahje fanasfiellut, leat rievdan fiervái juste dakko. Čáhcerávga sáhttá sáhttá boahtit gáddái ja čuvvodišgoahtá du, ja muhtun cukcasiin muitaluvvo ahte deaivida fággádallan olbmo ja čáhcerávgga gaskkas. Dákkár oktavuođain čáhcerávga gaiku du merrii. Jus čáhcerávga lihkustuvvá oažžumis mielde olbmos ovtta dávvira, nugo fáhca dahje biktasa, de dát olmmoš dáidá heavvanit merrii.
Jápminballu
Cukcasat čáhcerávgga birra beaggigohte dan áiggis go lei dábálaš ahte guolásteaddjit heavvanedje merrii. Dalá olbmuid dálkke- ja jápminballu lei juoga man birra jurddášedje beaivválaččat, ja ohcaledje álot čilgehusaid dáhpáhusaide. Sii geat merrii heavvanedje eai goassege hávdáduvvon vihahuvvon girkogárdái, eaige danin ožžon ráfi. Oaidnit dahje gullat čáhcerávgga bárgumin mearkkašii ahte fertii maŋidit vuolgima.
