Ulda
Ulda sáhttá mielddisbuktit guoržžu, muhto sáhttá maiddái veahkehit ja jeđđet. Ulda lea čáppat, sáhttá bosttahit ja sus lea gusa seaibi.
Huldra. Foto: Markus Trienke, flickr
Ulda lea čáppat ja nuppeilmmat nisson hápmásaš sivdnádus geainna sáhtát deaivvadit duoddaris dahje meahcis. Cukcasiin muitaluvvo ahte ulda orru bávtte siste ja eatnan vuolde. Ulda govviduvvo guhkes čuvgesvuovttat sivdnádus mas lea gusa seaibi.
Muitalusaid mielde olbmot sáhttet vásihit uldda sihke bahás ja buriid beliid. Son sáhttá du doalvvuhit lihkohisvuhtii dahje son sáhttá maiddái veahkehit ja jeđđet. Ulda sáhttá fillet ja bosttahit dievdoolbmuid, ja muhtun cukcasiin muitaluvvo ahte ulda lea náitalan olbmuiguin.
Ulda váldá maiddái mánáid ja sáhttá iežas máná lonuhit olbmománáin. Dát mánát gohčoduvvojit lonohassan.
Jus mánáin lei dávda man ii sáhttán dálkkodit dahje jus máná lei riegádan doaimmashehttejumiin, de muitaluvvui ahte dat mánná lei uldda dahje háldi mánná.
