Stállu

Stállu lea stuoris, bahás ja issoras hápmi mii sámi árbejáhkus doaibma iešguđetlágan rollain.

Stállu govviduvvo muhtomin bealle olmmožin, eará háviid jiehtanassan, mii borrá dahje doalvu olbmuid iežas háldui. Stállu sáhttá maiddái leat man nu lágan bahálaš dahje neavri, man noaidi lea sádden olbmuid máilbmái vašálaččaid dustet.

Stálut leat rikkis ja badjellunddolaš sivdnádus, muhto dat leat maiddái duihmmit. Muitalusain ja cukcasiin, de stállu álot vuoittáhallá go deaivvada olbmuiguin, leaš dal nissongávvilvuohta dahje fággádallan dievdduiguin. Olbmot fertejit goddit stálu vai ožžot stálu golli ja silbba. Muhto ii leat álot ahte dát riggodat mielddisbuktá dušše buriid.

Sevdnjes biktasat, beana ja seahkka

Stálus leat dávjá sevdnjes gárvvut, sus lea beana ja lávka sealggis. Stálus sáhttá maiddái leat njurggonas mas lea hirpmus garra  jietna. Máŋggaid máidnasiin lea stálus ruovdebohcci, man bakte son sáhttá njamistit vuoiŋŋahaga olbmuin.

Fággádallamis stállu dávjá geahččala olbmo adnit stálu niibbi ja dainna čugget stálu. Dan eai galgga goassege dahkat, danin go dalle sáhttet iežaset čugget dahje nádjat stálu niibbiin.

Stállu dávjá adnui balddonassan mánáid bajásgeassimis. Juovllaid áiggi eai mánát galgan stoahkat ja riedjat alla jienain, danin go dat dagahii ahte stállu bođii. Stállu njuovai ja borai mánáid. Lei dehálaš ahte viessu lei čorgat juovllaid áigge, ja ahte eabbáris lei čáhci, vai stállui lei čáhci jus son bođii. Jus stállu oaččui čáhci de son manai, jus son ii ožžon juhkamuša  de sáhtii vásihit váttisvuođaid.

Stalloen som frier, Eventyrdamen

Da menneskene drepte stalloen med list, Tre stammers møte

Eventyr og sagn om stalloer, digital bok Nasjonalbiblioteket