2024: QUEER ÁLGOÁLBMOT

Riddu Riđđu botke 2024:s festiválaárbevieruin mii lei jođus badjel 20 jagi go válljejedje ahte eai ovdanbukte konkrehta álbmoga, muhto baicce čalmmustahttit sohkabeali ja seksualitehta máŋggabealatvuođa álgoálbmotmáilmmis. Festivála áigge gehččit besse oahpásmuvvat viidát čohkkejuvvon delegašuvdnii mas ledje ovddasteaddjit sihke Sámis, Kanadas, USA:s ja Kalaallit Nunaat:s.

Delegašuvnna jođihii ja kuraterii Ceilidh Pitaw, gii lea dovddus mi’kmaq-dáiddár Nova Scotias eret. Dán jagáš davviguovllu olbmot besse čájehit olu iešguđetlágan elemeanttaid miehtá davviriikkaid. Mii beasaimet oaidnit, ja leat mielde ráhkadeamen máŋggaid iešguđetlágan áššiid. Mii beasaimet oaidnit áššiid nugo movt ráhkadit čuovggaid ja drag-čájálmas.

Dássážii stuorámus dáhpáhus dán jagi Riddu Riđđu festivála áigge lei drag show. Vuosttaš geardde historjjás lei maid sámi dragartista oassin guoimmuheamis. Go Ritni Tears lei sámi delegašuvnna njunnošis, de beasaimet oaidnit drag-artisttaid máŋgga sierra guovllus Davviriikkain. Tamara-áhkku, Feather Talia, Randy Rivers ja Lady Shug ledje eará drag-artisttat. Tamara áhkkus ledje maid guokte australialaš drag-artistta mielde.

Olles prográmmas beasai oaidnit iešguđetlágan bargobájiid mat gusket iešguđet álgoálbmotkultuvrii, nu go beaškkehit juvllaid, duddjot lámppáid ja olu eará. Dat mii buktá ovdan dan fáttá ahte leat queer álgoálbmotkonteavsttas, bođii bures ovdan panelaságastallamiin das mo lea bajásšaddat queerin álgoálbmotservodagas. Dás loktejuvvojedje fáttát nugo olggušteapmi ja ovdagáttut, ja mo deaivvadit olbmuiguin árgabeaivvis ja dohkkehit nubbi nuppi earáláganin.

Jagi 2024 fáddá lei ja lea dehálaš fáddá, ja dat lea hukset áddejumi iešguđetlágan orientašuvnnaid ja oktavuođaid birra sohkabeallái ja ráhkisvuhtii. Dán jagáš Riddu Riđđu bokte leat queer-eamiálbmogat ožžon vejolašvuođa buktit ovdan muitalusaid ja perspektiivvaid mat leat veahkkin duššadit stereotiippaid ja ráhkadit viidát ipmárdusa.