Basson guoli ráhkadanneavva

Dás gávnnat Davvi-Romssa basson guliid ráhkadanneavvagiid.

Olles basson guolli

Rutnot, sáidi dahje diksu
Jáfot
Sálttit ja bihpporat
Buoidi
Sullii 1 lihtar mielki

Ruvve sáltti vuovdda sisa ja maiddái olggobealde guoli. Fierat guoli jáffoseaguhusas ja báiste  daid fiidnát. Go buot guolit lea bassojuvvon ruškadin, de njoarat mielkki báistái. Don sáhtát maiddái bidjat juogo lávcca dahje aitto sillejuvvon mielkki. Bija bástii ommanii dassážiigo guolli lea giksan. Goaikkut sevssa guoli badjel dávjá. Guossot ruotnasiiguin, jokŋameasttuid ja buđeittaiguin.

Sáidebihtát, Gáivuonas

Sáidi
Buđeitat
Jáffut
Vuodja

Sáidevajahasaid bijat láibunbáistái, ja báistet daid. Ráhkat čuvges ruškes sevsa jáffus ja vuojas. Njoara sevsa badjel ja divtte rávdat. Guossohuvvo vuššon buđeittaiguin.

Sallidat báistis

Sullii 1 gilo vuššon buđeittat
5-6 spihke sallida
Veaháš suovasbuoiddi
Veaháš lávkki
2 bb margariinna
4 bb jáffuid
1/2 lihtar mielki
2 desilihtter suvrra lákca
Sálti
Smierrojáffuid

Čáhccet sallidiid bures, cába sallidiid smávit bihtáide ja buđeittaid vajahassan. Buoiddi cábat birccun. Ráhkat suohkadis vilgessevsa. Bija lávcca go sevsa lea gárvvis. Sáltti ja bihpporiid. Bija sallidiid, buđetvajahasaid ja lávkki geardin báistái. Buđeitat vuolimusas ja bajimusas. Bija veaháš smierrojáffuid nala. Steike sullii 30-40 minuhta. Guossohuvvo njuolga báistit.

Divssus ráhkaduvvon guollegáhkut, Skiervá

Diksofilea
Njuovvelávki
Ingefeara
Muskat
Sálttiid
Bihpporiid
Moniid (ođđaset áiggis)
Njárbut guolleliemain

Guolli ferdnejuvvo. Bija buot máistagiid ja seagut bures. Njárbut guolleliemain. Steike guollegáhkuid bures. Maŋŋil go lea gáhkuid steiken de daid sáhttá duolddahit ruškessevssas.

Sáidegáhkut, Gáivuonas

Sullii gilobealli buhtis sáiddi
Veaháš sáltti (sullii 10 grámma)
10 grámma buđetjáffuid
Veaháš bihppora
Sullii 2 1/2 dl. mielkki

Ferdne sáiddi guktii. Seagut sáltti ja jáffuid, ja njárbut milkkiin. Boskkut bihppora. Hábme gáhkkun ja steike daid gaskaliekkas báisttis. Guossot buđeittaiguin ja basson lávkkiin.

Guollemeasttanasgáhkut, Gáivuonas

3 dl. čoskon guolli
2 buđeita
1 db. sálti
Veaháš bihpporat
Veaháš fiidnát cáhppojuvvon lávki
1 bb. šolgaduvvon gusavuoja
1 moni
2 dl. mielkki

Guokte borranbaste biebmovuoja mas steiket gáhkuid. Seagut visot oktii ja ligge veaháš. Go leat bures seaguhan oktii, de galggat dan čoaskudit. Hábme jorba gáhkuid ja ruškkodahtte daid báisttis. Guossohuvvo vuojain mii lea ruškkodan.

Meađđenguohpárat, Skiervá

2 stuora dorskemeađđema
1 1/2 db bihpporiid
2 gohpu mielkki
jáffuid heivvolaš dáigái
veaháš goikebierggu

Ráidne meađđema, rábo buot meađđema eret cuoccas. Seagut oktii heivvolaš dáigin. Basttiin ráhkadat gáhkuid ja bijat daid báistái ja steiket daid čuvges ruškadin. Ráhkat ruškessovssa ja duolddat gáhkuid sevssas. Guossot vuššon buđeittaiguin.