Kväänit eli kainulaiset
Kväänit oon norjalainen minoriteetti joka oon vaeltannu satojen vuositten aikana Pohjas-Suomesta ja Pohjas-Ruottista Pohjas-Norjhaan. Sanala ”kvääni” eli ”kainulainen” meinathaan niitä keilä oon suomalainen kieli- ja kulttuuritavusta ja heän jälkiläisiä kekkä oon tulheet Pohjas-Norjhaan ennen vuotta 1945.
Arvelhaan ette Norjassa oon suunile 10 000-15 000 kvääniä, ja suunile 2000-8000 ihmistä kekkä puhuva kvääniä/suomea.
Vuona 1998 kväänit tunnustethiin kansaliseksi minoriteetiksi, samala tavala ko juutalaiset, rom-kansa, romanikansa ja mettäsuomalaiset.
